ב"ה, י"ד כסלו, תש"כ
ברוקלין.
שלום וברכה!
אין ענטפער אויף אייער בריף, וועלכען איר הויבט אן מיט אן ערקלערונג, אויף דעם ארט אנהויב פון בריף.
זעלבסט פארשטענדליך, אז דאס איז גאר ניט נויטיג, און בפרט אז שרייבענדיג א בריף צו א צווייטען, און מ'וויל אז דער צווייטער זאל ענטפערן און ס'זאל זיין א נוצען פון דעם צונויפשרייבען זיך, דארף דאך דאס געשריבען ווערען ווי מ'פילט.
איך מוז אבער אויך ענטפערן אויף דער ערקלערונג אייערע, מיט וועלכעס איר ווילט בארעכטיגען אייער אויסשפראך "אז איר זייט ניט קיין חסיד", און באלד נאך דעם, זאגט איר, אז אייער פאטער איז געווען א חסיד וכו', איז דאך דאס א סתירה מני' ובי'.
ווארום אויב עס גייען איבער בירושה, אויבן אויפיגע תכונות (אייגענשאפטען), איז דאך פארשטענדליך, אז אין א פיל טיפערע און אין א פיל גרעסערער מאס, ווערן איבערגעגעבען צו קינדער, די תכונות הנפש, וועלכע זיינען געווען פיל פיל טיפער און מערער איינגעקריצט בא די עלטערן.
און לויט אייער בריף, שטעל איך מיר פאר, אז אייך איז באקאנט, אויף וויפיל דורכגענומען פון און ווי טיף איז דער געפיל פון א חסיד, און בפרט אין דער תקופה פון אייערע עלטערן, לויט דעם היינטיגן אויסשפראך "אין דער אלטער היים", אויף וויפיל דער געפיל איז געווען צונויפגעבונדען, מיט זיין נשמה-לעבען, און דעריבער איז דאך זיכער, אז דאס גייט איבער בירושה צו קינדער, נאר אזוי ווי אנדערע תכונות, איז א טייל זיינען שוין טעטיגע און ווירקזאמע, און א טייל, ווארטען אויף א פאסענדע געלעגענהייט, און א טייל פון זיי אפשר - וועלכע מ'וויל אויסבאלטען אדער שטערן פון צו זיין טעטיג און ווירקזאם, אבער דאך איז זיכער, אז זיי זיינען פאראן און עקזיסטירן, אט אזוי ווי יעדער לעבעדיקע זאך און ווי יעדער פראנענע זאך אין דער וועלט, קען מען דערפון ניט מאכען אויס-פראן - (העכסטענס קען מען נאר בייטען דעם פארם (פורם - צורה) פון דער זאך, אבער ניט מאכען פון דעם פאראן, ווי גאר קיינמאל ניט געווען, ד.ה. איידער דער באשאפונג פון דער זאך) - אפילו ווען מ'וויל קעמפען געגען דעם, און בפרט אז איך בין זיכער אז בא אייך איז ניט דער פאל אזוי, העכסטענס אפשר ווי דער אנדער פאל, אז עס ווירקט ניט, און אפשר אויך א געפיל, אז ס'איז גלייכער ניט דערלאזען די ווירקונג, און עס זאל זיך ניט ארויסמאנען דאס וואס חסידות פאדערט, וואס דאס וועט דאך בריינגען צו באשריינקען זיך, און צו זיין אנדערש פון דער גאנצער סביבה, וועלכעס פאדערט אנשטריינגונג, וואס ניט שטענדיג וויל מען דאס האבען.
די לאנגע הקדמה, איז, פארשטענדליך ניט געשריבען געווארען לויטן אויסשפראך, לשם דרשה בעלמא, און ניט ח"ו לשם מוסר, נאר אום צו ארויסבריינגען, מיין השקפה, אויף מענשן פון פערשידענע קרייזען, מיט דער האפנונג, אז זיי וועלען קומען צו דער איבערצייגונג, אז בא יעדערן פון זיי, איז אין זיינע טיפעניש, פאראן א אוצר פון אומגעהוירן ווערט, במילא איז דאך א שאד יעדער טאג, וואס מ'נעמט עס ניט ארויס אויף דער אויבערפלאך אום צו ווירקען און אויפטאן מיט עם, ביז אין טאג טעגליכען לעבען, און זיכער וועט די באפרידיגונג זיין אויף אזוי פיל, אז ניט באטרעפליך איז די אנשטריינגונג וואס דאס פאדערט, צו ארויסבריינגען עפענטליך אט דעם טיף באהאלטענעם פארמאגטען אין זיך אוצר.
און איבערגייענדיק צום צווייטען פאראגראף פון אייער בריף, עס פאדערט זיך גאר ניט אמונה אין א צווייטען, נאר די אמונה אין זיך אליין, אין זיין אייגענעם איד, וואס דאס איז, ווי דער אויסשפראך פון רבנו הזקן אין זיין ספר התניא, ונפש השנית בישראל היא חלק אלקה ממעל ממש.
איך וויל מיך ערלויבען צו שרייבען, חאטש בקיצור, בהנוגע צום שלוס פון אייער בריף, וואס איר דערמאנט וועגען אייער טאכטער תחי'.
אז די בעסטע איינווירקונג אויף "תלמידים", אויף קינדער איינגעשלאסען, איז ניט אזויפיל דורכן ריידין, אפילו ווען דאס ווערט ווידערהאלט מערערע מאל, ווי דורך זיין א לעבעדיקער מוסטער, און ווען מ'וויל האבען בא יענעם הונדערט פראצענט, מוז מען אליין צוגעבען אויף די הונדערט פראצענט בא זיך, און אריינטראכטענדיק זיך, אז דאס דארף ווירקען בא קינדער אויף יארען און יארען, און אז השם יתברך בענטשט מיט אייניקלעך - האט דאס א ווירקונג אויך אויף זיי, איז דאך יעדער אנשטריינגונג אין דעם ווערט און בארעכטיגט, און ווי דער פתגם, עד סוף העולם (הדורות) קען עס דערגרייכן.
בכבוד ובברכה לבשורות טובות בכל האמור.
B"H, 14 Kislev, 5720. Brooklyn.
Shalom u'Vrachah!
In response to your letter, which you begin with an explanation about starting a letter in this way: it is self-evident that this is not at all necessary—especially since when writing a letter to another person and you want the other to respond and for there to be benefit from this correspondence, what is written should reflect how one feels. However, I must also respond to your explanation, with which you wish to justify your statement that "you are not a chassid." Immediately after this, you say that your father was a chassid, etc. This is a contradiction within itself. For if inheritance passes down higher qualities, it is understood that in a much deeper and greater measure, the soul traits—which were much more deeply and strongly engraved in the parents—are passed on to the children.
According to your letter, I imagine you are aware of how deeply felt is the sense of being a chassid—especially in the era of your parents, according to today's expression "in the old home," how much this feeling was bound up with one's soul-life. Therefore it is certain that this passes down as an inheritance to children. Just as with other traits: some are already active and effective; some await an appropriate opportunity; and some perhaps—those one wishes to suppress or prevent from being active—but still they certainly exist and are present. Just as with every living thing and every tangible thing in the world—you cannot make something non-existent (at most you can only change its form but not make it as if it never existed—even if one wants to fight against it). Especially since I am sure that in your case it is not so; at most perhaps like another case where it does not have an effect, or perhaps there is a feeling that it would be easier not to allow its effect so that what Chassidus demands should not be expressed—which would require self-restraint and being different from one's entire environment, which demands effort that one does not always wish to exert.
This long introduction was obviously not written as a sermon or Heaven forbid as rebuke but only to express my perspective on people from various circles—with the hope that they will come to realize that within each of them lies a treasure of immeasurable value deep inside. Therefore every day spent without bringing it out into action and using it—even in daily life—is a loss; surely the satisfaction will be so great that any effort required to reveal this deeply hidden treasure within oneself will seem insignificant.
Moving on to the second paragraph of your letter: what is needed is not faith in another but faith in oneself—in one's own Jewish soul—as stated by Rabbeinu HaZaken in his Sefer HaTanya: "VeNefesh HaShenis BeYisrael Hi Chelek Eloka MiMa'al Mamash" (And the second soul in Israel is truly a part of G‑d above).
I would like to permit myself to write briefly regarding the end of your letter where you mention your daughter tichyeh: The best influence on "students," including one's own children, comes not so much through words—even when repeated many times—but by being a living example. If you want someone else at one hundred percent, you must give one hundred percent yourself. Reflecting on how this must affect children for years—and if Hashem blesses with grandchildren—it also affects them; therefore every effort in this area is worthwhile and justified. As the saying goes: "it can reach until the end of the world (generations)."
With honor and blessing for good news in all mentioned above.
Summary
The Rebbe teaches that chassidic qualities are deeply inherited and always present within us—even if dormant—and encourages us to believe in ourselves and serve as living examples for our children, knowing our efforts have lasting impact across generations.