יא טבת
דֶעם מֶענְשֶענְס לֶעבֶּען אִיז תָּלֹוי אִין דֶעם אַוִיר וואוּ עֶר גֶעפִינְט זִיך.
אָהְן אַוִיר קֶען מֶען נִיט לֶעבֶּען, אוּן אִין וָואס פַאר אַ אַוִיר מֶען לֶעבְּט, אַזַא לֶעבֶּען אִיז דָאס.
וֶוען מֶען לֶעבְּט אִין אַ תֹּורָה וּמִצְוֹת אַוִיר, אִיז דֶער לֶעבֶּען אַ גֶעזוּנְטֶער.
וֶוען מֶען לֶעבְּט אִין כּפִירָה-אַוִויר, אִיז דָאס אַ קְרַאנְקֶער לֶעבֶּען, אוּן מֶען אִיז כְּסֵדֶר אִין גֶעפַאהְר קְרַאנְק צוּ וֶוערֶען מִיט אְָנשְׁטֶעקֶענְדֶע מַחְלֹות.
דִי עֶרְשְׁטֶע אַלְגֶעמֵיינֶע רְפוּאָה אִיז צוּ מַאכֶען רֵיין דִי לוּפְט.
דִי אַרְבֶּעט פוּן טַהַרַת הָאַוִיר לִיגְט אוּיף דִי יֹוְדעֵי סֵפֶר אוּן יֹודְעֵי תֹּורָה.
טַהַרַת הָאַוִיר אִיז דוּרְך אֹוִתיֹות הַתֹּורָה.
וֶוען מְ'שְׁטֶעהְט אִין סְטָאר, אָדֶער וֶוען מֶען גֶעהְט אִין גַאס, אָדֶער וֶוען מְ'פָאהְרְט אִין סָאבְּוֵויי אוּן מֶען זָאגְט אֹותִיֹות שֶׁבַּתֹּורָה, מַאכְט מֶען מִיט דֶעם רֵיין דֶעם אַוִיר.
יֶעדֶער אֵיינֶער פוּן דִי יֹודְעֵי סֵפֶר אוּן יֹודְעֵי תֹּורָה מוּז הָאבֶּען עֶפֶּעס אוֹיסְגֶעלֶערְנְט בַּעֲל פֶּה: חוּמָשׁ, תְּהִלִים, מִשְׁנַיֹות, תַּנְיָא, אַזֹוי, אַז צוּ יֶעדֶער צַייט אוּן אִין יֶעדֶען אָרְט, זָאל עֶר קֶענֶען טְרַאכְטֶען אוּן זָאגֶען דִי הֵיילִיגֶע אֹותִיֹות שֶׁבַּתֹּורָה.