Enjoying this page?

129 - תהילים פרק קכט

Download Here


תהילים פרק קכט

א שִׁ֗יר הַֽמַּ֫עֲל֥וֹתרַ֭בַּת צְרָר֣וּנִי מִנְּעוּרַ֑י יֹֽאמַר־נָ֗֝א יִשְׂרָאֵֽל׃ב רַ֭בַּת צְרָר֣וּנִי מִנְּעוּרָ֑י גַּ֗֝ם לֹא־יָ֥כְלוּ לִֽי׃ג עַל־גַּ֭בִּי חָֽרְשׁ֣וּ חֹֽרְשִׁ֑ים הֶֽ֝אֱרִ֗יכוּ למענותם (לְמַֽעֲנִיתָֽם)׃

[סוטה יא, ב]

ד יְהוָ֥ה צַדִּ֑יק קִ֝צֵּ֗ץ עֲב֣וֹת רְשָׁעִֽים׃ה יֵ֭בֹשׁוּ וְיִסֹּ֣גוּ אָח֑וֹר כֹּ֗֝ל שֹֽׂנְאֵ֥י צִיּֽוֹן׃ו יִֽ֭הְיוּ כַּֽחֲצִ֣יר גַּגּ֑וֹת שֶׁקַּדְמַ֖ת שָׁלַ֣ף יָבֵֽשׁ׃ז שֶׁלֹּ֤א מִלֵּ֖א כַפּ֥וֹ קוֹצֵ֗ר וְחִצְנ֥וֹ מְעַמֵּֽר׃ח וְלֹ֤א אָֽמְר֨וּ ׀ הָעֹֽבְרִ֗ים בִּרְכַּֽת־יְהוָ֥ה אֲלֵיכֶ֑םבֵּרַ֥כְנוּ אֶ֝תְכֶ֗ם בְּשֵׁ֣ם יְהוָֽה׃