Letter # 963

כ"ז אד"ש, תשי"א - חיים יעקב האלמאן

963 - Responsibility After the Rebbe’s Histalkus

The Rebbe acknowledges the donation and thanks the couple. He expresses satisfaction with their continued dedication and emphasizes the heightened responsibility following the Rebbe Rayatz’s passing—to strengthen Torah, charity, and influence on others. He blesses them with health and long life.

Previous
0:00/0:00
1x

0.25x

0.5x

0.75x

1x

1.25x

1.5x

1.75x

2x

Next

ב"ה, כ"ז אד"ש, תשי"א ברוקלין.

הוו"ח אי"א נו"מ וכו' מוה"ר חיים יעקב שי'[1]

שלום וברכה!

די שעקס, פון אייך און אייער פרוי תחי', האב איך ערהאלטן, און בייגעלייגט זיינען די קבלות.

איך האב פיל געהערט פון אייך, און בין צופרידן וואס איר זייט אין דער זעלבער צוגעבונד[נ]קייט ווי אלעמאל, און היינט נאך דער הסתלקות פון כ"ק מו"ח אדמו"ר, דארף יעדער איינער פילן מער די אחריות וועלכע איז ארויפגעלייגט געווארן אויף אונז אלעמען, און ארויסרופן בא זיך מערערע און טיפערע כחות, צו פארזעצען די גרויסע הייליגע זאכן, וואס דער רבי כ"ק מו"ח אדמו"ר האט אונז איבערגעלאזן, אז זיי זאלן זיין בהצלחה בגשמיות וברוחניות.

געוויס האט איר שיעורים אין לערנען תורה, זאלט איר זיי אנהאלטן און צוגעבן וויפל איז מעגליך פאר אייך, און מוסיף זיין אין די מעשה הצדקה וחסד, און משפיע זיין אויך אויף אנדערע.

בברכה לבריאות הנכונה ולאריכות ימים ושנים לו ולזוגתו תי'. מוסג"פ הקונ' לב' ניסן.

  1. 1 האלמאן