ב"ה, כ' אייר, תשי"ד
ברוקלין.
שלום וברכה!
ידוע פסק המשנה אין דן יחידי אלא אחד, אשר, לדעתי - האחד הזה הוא הקב"ה ולא בן אדם יהי' מי שיהי'... איך רעכען, אז אויב רב אשי וועלכער איז געווען א גרויסער גביר און א גדול בישראל וחד בדרא, איז ווען ער האט גע'פסק'נט א שאלה פון א בהמה, האט ער געפרעגט בא יעדער קצב פון זיין שטאט זיין מיינונג. על אחת כמה וכמה - אז דער וואס איז ניט קיין חד בדרא מעג עם אנשטיין צו הערען א מיינונג פון נאך א אידען, און ניט דרייען און פארדרייען, אז ער זאל זיין א דן יחידי אין א ענין וואס עס איז נוגע הונדערטער אידישע קינדער, און אין א ענין וואס עס איז פארבונדען מיט כ"ק מו"ח אדמו"ר והרביים שלפניו - זצוקללה"ה נבג"מ זי"ע. וואס במילא קען זיין אז מען איז פארבונדען מיט די רביים, אדער, ח"ו, להיפך.
... וכבר ידוע פתגם כ"ק מו"ח אדמו"ר, אשר ידוע פסק המשנה שכאו"א צריך לדונו לכף זכות, אבל יש להזהר שלא יחריבו עי"ז ענינים דקדושה.
המחכה למענה בהקדם על כל הנ"ל.