ב"ה, כ"א אייר, ה'תשט"ז
ברוקלין, נ.י.
צו די אנפירערשאפט און אנטיילנעמערינס אין דער קאנווענשאן פון אגודות נשי ובנות חב"ד ניו-יארק, נ.י. ה' עליהן תחיינה
שלום וברכה!
איך שיק דערמיט א באגריסונג און ברכה צו די דעלעגאטינס און חברות און צו אלע אנטיילנעמערינס אין דער קאנווענשאן, דינסטאג כ"ז אייר, און האף צו השם יתברך, אז די פארזאמלונג וועט זיין מיט גרויס דערפאלג און ברענגען די געוואונשענע רעזולטאטן.
די צייט צווישן פסח - דער יום-טוב פון אונזער אויסלייזונג פון מצרים, און שבועות - דער יום-טוב פון אונזער באקומען די תורה, איז ספעציעל צוגעפאסט פאר יעדער טעטיקייט וואס באצוועקט צו פארשטארקן דאס לערנען תורה און טאן און מקיים זיין מצוות, ווארום דאס איז דאך די צייט פון צוגרייטן זיך אויפצונעמען די תורה.
באזונדערס איז די צייט מסוגל פאר פרויען ארבעט אין דער ריכטונג, נעמענדיק אין אכט וואס אונזערע חכמים, זכרונם לברכה, דערציילן וועגן די באזונדערע פארדינסטן פון די אידישע פרויען אין צוזאמענהאנג מיט די דערמאנטע צוויי געשעענישן: בא יציאת-מצרים - אז אין זכות פון די פרויען צדקניות זיינען אונזערע עלטערן אויסגעלייזט געווארן פון מצרים; בא מתן תורה - אז דער אויבערשטער האט געהייסן משה רבינן ריידן צוערשט מיט די פרויען און דערנאך מיט די מענער, וואס דורכדעם וועט דאס אננעמען פון דער תורה פארשטארקט און פאראייביקט ווערן.
און יעדעס יאר אין דער צייט באנייט זיך די ג-טלעכע ברכה און השפעה ווי זי איז צוערשט אנפלעקט געווארן. מען דארף אבער צוגרייטן און שאפן די פאסנדע מיטלען און כלים כדי אויפצונעמען און אויסניצן די ברכה - אין דער צייט און אויף א לאנגע צייט נאכדעם.
אין בין שטארק אין דער האפנונג, אז יעדע איינע פון אייך וועט זיך אריינטראכטן אין דער גרויסער פליכט וואס עס ליגט אויף די וועלכע האבן זוכה געווען צו זיין פארבונדן מיט אגודת נשי ובנות חב"ד, און אויסניצן די גרויסע געלעגנהייטן און מעגלעכקייטן, וועלכע די קאנווענשאן שטעלט מיט זיך פאר, צו פארשטארקן און אויסברייטערן די טעטיקייט פון יעדן סניף בכלל און פון יעדער חברה בפרט.
צוזאמען מיט א פארגרעסערונג אין דער אינערלעכער ארבעט פון די אגודות נשי ובנות חב"ד, דארף און מוז אייך זיין אן אויסברייטערונג פון דער ארבעט מיטן צוועק אויסצושפרייטן איר ווירקונג אויך אויף פרויען וועלכע זיינען דערווייל נאך ניט פון חב"ד, אין ענגען זין פון ווארט, און צוציען זיי צו אייער קרייז און סניף, וואס דורכדעם וועט מען זיי אויך צוברענגען צו די לעבעדיקע און לעבנסגעבנדע קוואלן פון אידישקייט ווי זיי זיינען דורכגעדרונגען מיט דער אינערלעכער ווארעמקייט און ליכטיקייט פון חב"ד חסידות-לערע און לעבנס שטייגער.
זיכער וועט אויסגעארבעט ווערן אן ארבעטס-פראגראם אויך אין דער ריכטונג.
השם יתברך זאל מצליח זיין אייער ארבעט, איר זאלט זי אנפירן און דורכפירן מיט הצלחה און פרייד, אין גוטן געזונט און מיט פיל נחת, אידישן און חסידישן נחת, פון יעדן פון דער פאמיליע שיחיו און פון זיך אליין.
בברכת הצלחה,
מ. שניאורסאהן
נדפסה בלקו"ש ח"ז ע' 250 והושלמה ע"פ צילום האגרת.
דער קאנווענשאן: סקירה נרחבת מהכינוס, וכן מהפעילות הכללית של אגונ"ח, נדפסה בחוברת מיוחדת "ערשטע נאציאנאלע קאנווענשאן אגודת נשי ובנות חב"ד אייר תשט"ז" (קה"ת ל"ג בעומר תשי"ז).
B"H, 21 Iyar, 5716.
Brooklyn, NY.
Shalom u'Vrachah!
I hereby send greetings and blessings to the delegates and members, and to all participants in the convention on Tuesday, 27 Iyar. I hope to Hashem Yisbarach that the gathering will be very successful and bring about the desired results.
The time between Pesach—the festival of our redemption from Egypt—and Shavuos—the festival of our receiving the Torah—is especially suited for any activity aimed at strengthening Torah study and fulfilling mitzvos, as this is the time for preparing oneself to receive the Torah.
This period is particularly auspicious for women's work in this direction, considering what our Sages of blessed memory relate about the special merits of Jewish women regarding these two events: At Yetziyas Mitzrayim (the Exodus from Egypt), it was in the merit of righteous women that our ancestors were redeemed; at Matan Torah (the Giving of the Torah), Hashem instructed Moshe Rabbeinu to speak first with the women and then with the men, so that acceptance of the Torah would be strengthened and eternalized. Every year at this time, G‑d's blessing and influence are renewed as they were first revealed. However, one must prepare and create suitable means and vessels to receive and utilize this blessing—both now and for a long time afterward.
I am strongly hopeful that each one of you will reflect on the great responsibility upon those privileged to be connected with Agudas Nshei U'Bnos Chabad, making use of the great opportunities provided by this convention to strengthen and broaden activities in each branch generally and each group specifically.
Together with an increase in internal work within Agudas Nshei U'Bnos Chabad, there should also be an expansion of outreach aimed at spreading its influence even among women who are not yet part of Chabad in a narrow sense—drawing them into your circle and branch. Through this you will bring them as well to the living sources of Judaism as they are imbued with the inner warmth and light of Chabad chassidus teachings and way of life. Certainly a program will be developed in this direction as well.
May Hashem Yisbarach grant success in your work; may you lead it with success and joy, in good health, with much nachas—Jewish and chassidic nachas—from every member of your family sheyichyu (may they live) and from yourselves.
Summary
The Rebbe highlights women's unique role in preparing for receiving the Torah by strengthening Torah study and mitzvah observance. He urges expanding outreach beyond Chabad circles so more women can connect to authentic Judaism through chassidus.