ב"ה, א' אייר, תשט"ז
ברוקלין.
שלום וברכה!
זיינער צייט האב איך באקומען אייער בריף צוזאמען מיט דעם בריף פון הוו"ח אי"א נו"נ עוסק בצ"צ רב פעלים למצות וחסידות מו"ה... שי' און צוליב פערשידענע סיבות האט זיך אפגעהאלטען דער ענטפער ביז איצטער.
בנוגע די פראבלעמען וואס איר שרייבט אין אייער בריף, איז פון איצטער אן און ווייטער, דארפט איר זיך אריינטראכטען אין דעם אמת, - וואס עס איז אנווענדבאר פאר יעדער אידן - אז בתוך כלל ישראל איז יעדער פון אונז א שליח פון השם יתברך בורא עולם, דורכפירן א הייליקע ארבעט אין עולם הזה, וואס די עבודה אין אלגעמיין איז שוין אנגעוויזען געווארען אין משנה, אני נבראתי לשמש את קוני, און ווי דאס קען געטאן ווערען, איז דער דין אין שולחן ערוך, אז - בכל דרכיך דעהו, (או"ח סי' רל"א) אז יעדער זאך וואס מ'מעג און מ'טוט, קען מען עי"ז דעהו, מיט א גוטער כוונה,
און כדי צו וויסען וואס מען מוז טאן און וואס מען טאר ניט טאן, איז דאס אנגעוויזען געווארען בתורתנו תורת חיים, פון דעם איז פארשטענדליך אויך, אז די שליחות וועלכע איז געגעבען יעדערען פון אונז איז ניט קיין איינהייטליך גלייכע, וויילע יעדערער דארף אויסניצען זיינע כחות און מעגליכקייטען, און לויט די כחות און מעגליכקייטען, אונטערשיידען זיך אויך די שליחות'ן.
און היות השם יתברך האט מצליח געווען דעם אידישן קהל אין... אז פון א געוויסער צייט איז דארט געגרינדעט געווארען די ישיבת... איז איינע פון די הויפט שליחות'ן פון יעדער אידן וואס געפינט זיך אין... צו טאן אלץ וואס מעגליך, ניט נאר צו פארשטארקען די ישיבה נאר אויך זעהן אז זי זאל פארגרעסערט ווערן מער און מער, און זי זאל קענען ארייננעמען און ארומנעמען דעם גאנצען יוגענט און קינדער, און דורך זיי אויך בעאיינפלוסען די עלטערן מיט אידישע ווארימקייט און אידישע ליכטיקייט.
און אין איינקלאנג מיט דאס אויבען געזאגטע, דארפט איר זיך צונויפריידין מיט דער הנהלה פון דער ישיבה, וואס איז דאס בעסטע און אין וועלכען אופן, וואס איר קענט לייסטען פאר דער ישיבה,
און אז איר וועט זיך אריינווארפען אין דער ארבעט, - (און זעלבסט פארשטענדליך אז צוליב דער נוצליכקייט פון דער ארבעט זעלבסט, דארף דאס געטאן ווערען אין א אופן, אז עס זאל ח"ו ניט שאדען צום געזונט, און אויך צו אנהאלטען די פרנסה ענינים וואס השי"ת וועט אייך געבען, ווארום השי"ת גיט גענוג כחות אין צייט אז מען זאל קענען טאן זיין שליחות, מיט א געזונטען גוף ובפרנסה כדבעי), - איז דענסטמאל אלס שליח פון בורא עולם, און ווי א זעלנער אין מיליטער נעמט איבער אויף זיך די אויבערמאכט זיינע פריוואטע זארג און פארזארגונג, אזוי אויך זייענדיק אין דינסט פון השם יתברך, וועט פון אייך באזייטיגט ווערן די ענינים וועלכע שאפען אייך זארג.
אום צו אפווישען דעם רושם פון דעם עבר, דארפמען פאר צען אידען בעטען מחילה בא די, וואס איר האט אפגעלאזט דעם שידוך - ניט אנגעבענדיק זיי אויב די שולד איז פון אייער זייט אדער ניט אינגאנצען פון אייער זייט, אויך גלייך געבען בודק זיין אייערע תפילין און די ציצית פון טלית גדול וטלית קטן, און די מזוזות בא אייך אין דירה, און אין די חדרים אדער אפיס פון פעקטארי די מזוזות, אויב מען עסט דארט אמאל, און איר זאלט זעהן צו שלאפען אין א טלית קטן, און יעדער וואכען טאג פארן דאוונען אין דער פריה און פאר תפלת מנחה, געבען א פאר קליינע מטבעות אין א צדקה פושקע, און טאן דאס ביז קומענדען ראש השנה הבע"ל, און יעדער טאג נאכן דאוונען זאגען דעם שיעור תהלים, ווי פארטיילט אויף די טעג פון חדש.
זעלבסט פארשטענדליך, אז א חוץ דאס אויבען געזאגטע דארפט איר האבען א קביעות עתים פון לערנען, און דער לערנען חסידות איינגעשלאסען, ונכון יהי' לבו בטוח בבורא עולם ומנהיגו, אז ער איז משגיח אויף אייך בהשגחה פרטית און היטן אייך אין אלע אייערע ענינים, און האט גארניט וואס צו איבערטראכטען, און השי"ת זאל העלפען אז בקרוב ממש זאל איך באקומען פון אייך גוטע בשורות אין דאס אלץ אויבען דערמאנטע.
בברכה.
B"H, 1st of Iyar, 5716. Brooklyn.
Shalom u'Vrachah!
Some time ago I received your letter together with the letter from the vavac"h iy"a nu"n one involved in tzt"z with many activities for mitzvos and Chassidus mo"h... and for various reasons the response was delayed until now.
Regarding the problems you wrote about in your letter: From now on, you must contemplate the truth—which applies to every Jew—that within the community of Israel, each of us is a shliach (emissary) of Hashem Yisbarach, Creator of the world, to carry out a holy task in this world. The general nature of this avodah (service) is already indicated in the Mishnah: Ani Nivra'ti L'Shammesh Et Koni ("I was created to serve my Maker"). How this can be accomplished is detailed in Shulchan Aruch: B'chol D'rachecha Da'eihu ("In all your ways know Him") (Orach Chaim 231), meaning that everything permissible that one does can be used to know Him with good intent. To know what one must do or not do is indicated in our Torah, Torat Chaim. From this it is also understood that each person's mission is not identical or uniform; rather, each must utilize his own strengths and abilities accordingly—and thus missions differ.
Since Hashem Yisbarach has granted success to the Jewish community in... so that from a certain time a yeshiva was established there—it follows that one of the main missions for every Jew living there is to do everything possible not only to strengthen the yeshiva but also to see that it grows more and more. It should be able to encompass all youth and children—and through them also influence their parents with Jewish warmth and light.
In accordance with what was said above, you should join together with the administration of the yeshiva to determine what is best and how you can help most effectively. If you throw yourself into this work—and obviously because of its benefit it should be done in such a way that it does not harm your health or interfere with your livelihood matters which Hashem will provide for you (for Hashem gives enough strength and time so one can fulfill his mission with a healthy body and proper livelihood)—then as an emissary of the Creator, just as a soldier in the army entrusts his personal needs to his superiors, so too when serving Hashem Yisbarach your worries will be removed.
To erase any negative impression from past events: You should ask forgiveness before ten Jews from those whom you broke off a shidduch (match) with—regardless if it was your fault or not. Also immediately have your tefillin checked as well as both tallit gadol and tallit katan tzitzit; check also all mezuzot in your home and in any rooms or offices at your factory where food may sometimes be eaten. Try to sleep wearing a tallit katan. Every weekday before davening in the morning and before Minchah prayer give a few small coins to tzedakah until next Rosh Hashanah; every day after davening say that day's portion of Tehillim as divided by days of the month.
Of course, besides all this you must have fixed times for learning—including learning Chassidus—and it is proper that your heart trust in Borei Olam u'Manhigo (the Creator and Guide), Who watches over you with individual Divine Providence and guards you in all matters. You have nothing to worry about. May Hashem help that very soon I will receive from you good news regarding all mentioned above.
Summary
The Rebbe teaches that each Jew has a unique mission from Hashem tailored to their strengths. By dedicating oneself to communal efforts like strengthening Torah institutions while maintaining spiritual practices and trust in Hashem, one finds purpose and blessing.