ב"ה, ראשון לפ' במדבר, ה'תשי"ט
ברוקלין.
צו אלע חברות פון אגודת נשי ובנות חב"ד איבעראל און צו זייערע פארשטייער - די מיטגלידער פון דער יערליכער קאנווענשען בפרט ה' עליהן תחיינה
שלום וברכה!
אין צוזאמענהאנג מיט דער יערלעכער קאנווענשאן פון אגודת נשי ובנות חב"ד, און דורך דער פארמיטלונג פון דער קאנווענשאן,
שיק איך מיין ברכה צו יעדערער פון אייך איבעראל, און דריק אויך אויס מיין הערצליכע באגריסונג צו דער קאנווענשאן,
א באגריסונג און ברכה צו גרויס הצלחה אין דער ארבעט פון נשי ובנות חב"ד אין אלע אירע אפטיילונגען און פרטים, און אז די ארבעט זאל דורכגעפירט ווערן, אין גוטן געזונט און שטימונג, מיט חסידישער לעבעדיקייט און פרייד,
און ספעציעל זאל עס זיין אזוי, אין דער ארבעט פון דער קאנווענשאן, וואס דארף באשטימען און איין ווירקען אויף דער ארבעטס-פראגראם ביז דער קומענדיקער קאנווענשאן - נאכן מאכ'ן דעם סך הכל פון די דערגרייכונגען פון דער פארגאנגענער צייט.
* * *
אין דעם לייענען תורה אין שול, און אין איר וואכענטליכען לערנען, איינלערנען און איינלעבען-זיך-אין-איר אין דער היים און איבעראל - הייבן מיר איצט אן די סדרה און דעם ספר במדבר.
גלייך אין אנפאנג ווערט אונז דערציילט וועגן דעם אנזאג פון איבערציילן די אידן (כן ירבו). אויך אין די שפעטערדיגע סדרות פון דעם ספר ווערט דערציילט וועגן ציילונגען פון די אידן דאמאלס. און די תורה גיט דערצו א זפעציעלע וויכטיקייט - אויף אזוי פיל, אז דער גאנצער ספר במדבר ווערט אנגערופן חומש הפיקודים - דער חומש פון די ציילונגען.
* * *
וואס קענען מיר לערנען דערפון בהנוגע צו אונזער ארבעט פון פארשפרייטען אידישקייט דורכגעדרונגען מיט חסידישע ליכט און ווארימקייט?
איינער פון די הויפט געדאנקען אין דעם איז:
בא ציילונגען - איז יעדער פון די געציילטע, ווי גרויס און וויכטיג ער זאל ניט זיין, איז ער דאך ניט מער פון איינס. און, אויך פון דער צווייטער זייט, ווי קליין און געפאלען א צווייטער זאל ניט זיין, איז ער דאך ניט ווייניגער ווי איינס.
פון די הויפט שטערונגען צו דעם איבערגעגעבענעם און ווארעמען טאהן פאר א צווייטען - איז דער געדאנק: וואס גייט עס מיך אן; באם צווייטענס געפאלענקייט - וואס קען מען שוין דא אויפטאהן.
אריינטראכטענדיג זיך אבער אין דאס אויבענגעזאגטע - אז אליין פאר זיך איז מען ניט מער ווי איינס, און אום צו באקומען דעם כח און חשיבות פון מערערע מוז מען זיך פארבינדען מיט נאך אידען.
אריינטראכטענדיג זיך, אז אזוי ווי דער צווייטער איז איינס מיט עם צוגלייך, קען דאך זייער און זייער מעגליך זיין אז, מיט דער געהעריגער הילף, זאל ער זיך אויסגלייכען מיט עם אין אלע הינזיכטען -
זעהט מען די ניט ריכטיקייט פון די געזאגטע שטערונגען, מען זעהט די גרויסע דערגרייכונגען, פאר זיך און פאר'ן צווייטען, צו וועלכע מען קען צוקומען, און מען ווארפט זיך אריין אין דער ארבעט - מיט בענייטע לעבעדיקייט און ענערגיע.
* * *
דער אויבערשטער זאל בענשען אייער ארבעט אז זי זאל זיין מיט פיל הצלחה אין אלע הינזיכטען.
צוזאמען מיט זיין ברכה און הצלחה צו יעדערער פון אייך מיט די בני בית - שיחיו, אין די פרטיות'דיקע ענינים.
און גאר אינגיכען, זאלן מיר זוכה זיין, מיט אלע אידן צוזאמען, זעהן די ערפילונג פון דער ג-טליכער נבואה: אין דעם ארט (ארץ ישראל) וואס איז איצטער חרוב... וועלן נאך פארבייגיין די שאף (די אידן) פארביי דעם וואס וועט זיי ציילן (משיח) - זאגט ג-ט.
בברכת הצלחה ולבשורות טובות,
מ. שניאורסאהן
לייענען תורה אין שול: מג"א (סרפ"ב סק"ו). שו"ע אדה"ז שם ס"ה.
ווערט אנגערופען: סוטה ז, ז.
נבואה: ירמי' לג, יג. במדב"ר ב, יא. תרגום שם (ולהעיר מתנחומא כי תשא. וחילוק הגירסא לעת"ל, או לעוה"ב וא"כ ל"פ על התרגום).
נדפסה בלקו"ש ח"ב ע' 684 והושלמה ע"פ העתק המזכירות.
B"H, first day of Parshas Bamidbar, 5719. Brooklyn.
To all chapters of Agudas Nshei U'Bnos Chabad everywhere and to their representatives—the members of the annual convention in particular—may Hashem grant you life. Shalom u'Vrachah!
In connection with the annual convention of Agudas Nshei U'Bnos Chabad, and through the medium of this convention, I send my blessing to each one of you everywhere, and also express my heartfelt greeting to the convention—a greeting and blessing for great success in the work of Nshei U'Bnos Chabad in all its departments and details. May this work be carried out in good health and spirit, with chassidic vitality and joy. Especially should this be so regarding the work of the convention itself, which must determine and influence the program of activities until the next convention—after making an accounting of achievements from the past period.
In reading Torah in shul, as well as in its weekly study, internalization, and living with it at home and everywhere—we now begin the parsha and book of Bamidbar. Right at the start we are told about the command to count the Jews (may they increase). Also in later parshas of this book we read about further countings. The Torah gives this special importance—to such an extent that the entire book is called Chumash HaPekudim—the Book of Countings.
What can we learn from this regarding our work to spread Yiddishkeit imbued with chassidic light and warmth? One main idea is: In a counting—each counted person, no matter how great or important he may be, is still only one. And conversely, no matter how small or fallen another may be, he is still not less than one.
One of the main obstacles to devoted and warm action for another is thinking: "What does it have to do with me?" Or regarding another's lowliness: "What can I possibly accomplish here?" But reflecting on what was said above—that by oneself one is not more than one; to gain strength and significance beyond that requires connecting with other Jews. Realizing that just as another is equally "one," it is very possible that with proper help he can become equal in every respect—shows how mistaken those obstacles are. One sees what great achievements can be reached for oneself and for another—and throws oneself into this work with renewed vitality and energy.
May Hashem bless your work so that it will be with much success in every respect. Together with His blessing for success to each one of you along with your families—in all personal matters. And very soon may we merit together with all Jews to see fulfillment of G‑d's prophecy: In this place (Eretz Yisrael) which is now desolate... once again flocks (the Jews) will pass by him who counts them (Moshiach)—says G‑d.
Summary
The Rebbe teaches that every individual counts equally before G‑d; unity and mutual responsibility are essential for true achievement. By working together energetically to spread Yiddishkeit with warmth, we fulfill our mission and prepare for redemption.