ב"ה, ז' אדר א', ה'תש"ל
ברוקלין, נ.י.
שלום וברכה!
צו דער וועלט-צענטראַלע פון נשי ובנות חב"ד
ה' עליהן תחיינה
ברכה ושלום!
באַ
פאַרשידענע געלעגנהייטן האָב איך שוין אויפמערקזאַם געמאַכט וועגן דער נויטווענדיקייט צו פאַרשטאַרקן דעם ענין פון
צניעות
. אָבער נעמענדיג אין אַכט דעם אַלגעמיינעם מצב אויף דעם געביט, געפין איך פאַר נויטיג אַרויסצוקומען היינט מיט אַ העכסט דרינגנדע ווענדונג אין דעם ענין.
פון שטאַנדפּונקט פון תורה איז דאָך ניט נויטיג מאריך צו זיין וועגן דער וויכטיקייט פון צניעות. ס'איז גענוג בלויז צו באַמערקן, אַז אונזער תורה הקדושה, וואָס ווערט אָנגערופן
תורת חיים
, ווייל זי איז די אמת'ע וועג-ווייזערין אין אַלע געביטן פון טאָג-טעגלעכן לעבן און פאַרזיכערט אַ ווירדיגען און אמת-גליקלעכן לעבן, אונטערשטרייכט גאָר שטאַרק דעם ענין פון צניעות, און אין געוויסע הינזיכטן נאָך מער ווי אין אַנדערע געביטן פון טאָג-טעגלעכער הנהגה, אַזוי אַז צניעות איז איינע פון די
עקריות'דיגע יסודות
פון אידישן לעבן, ווי עס שטייט אין פסוק:
והצנע
לכת עם אלקיך
.
שוין פון דעם
שכר
וואָס ווערט פאַרזיכערט אין תורה, אין גמרא און אין זוהר, פאַר אָפּהיטן צניעות, און פון דעם וואָס אונזערע חכמים זכרונם לברכה דערציילן ווי אַזוי אידישע פרויען אין פארשידענע דורות האָבן זוכה געווען צו אויסערגעוויינלעכע ג-טלעכע ברכות אין זכות פון צניעות, ברכות ניט נאָר פאַר זיך נאָר אויך פאַר דעם מאַן און קינדער און קינדסקינדער – איז לייכט צו פאַרשטיין ווי גרויס עס איז די וויכטיקייט און באַדייטונג פון צניעות'דיגער הנהגה.
פון דער אַנדער זייט, די שטרענגקייט און באַוואָרענישן וועגן די טרויעריגע קאָנסעקווענצן ח"ו פון ניט אָפּהיטן צניעות (ווי דאָס ווערט אויסדריקלעך געשילדערט אין קאַפּיטל ג' פון ישעי' וכו') לאָזן ניט איבער דעם מינדסטן ספק וועגן דער ערנסטקייט פון דער זאַך.
פאַראַן אַזעלכע וואָס, צוליב זייער אונוויסנקייט אין תורה בכלל און אין דעם ענין פון צניעות בפרט, מיינען אַז די דינים, תקנות און מנהגים וועלכע זיינען פאַרבונדן מיט צניעות, "באַשרענקען" די אידישע פרוי, באַרויבן איר פון אירע געזעלשאַפטלעכע רעכט, אָדער רירן אָן איר כבוד, אד"ג.
דאָס איז דורכאויס אַ פאַלשע אויפפאַסונג. דער אמת איז פּונקט פאַרקערט: די תורה הקדושה, און אונזערע חכמים זכרונם לברכה, אונטערשטרייכן אומצאָליגע מאָל דעם כבוד און פּראַכט פון דער אידישער טאָכטער און פרוי, און פיל תקנות זיינען איינגעפירט געוואָרן ספּעציעל צו באַשיצן און פאַרהיטן זייער כבוד און ווירדיקייט. אין דעם צוזאַמענהאַנג ווערט אָפט ציטירט דער באַקאַנטער פסוק:
כל כבודה בת מלך פנימה
(תהלים מה, יד) – "דער גאַנצער פּראַכט פון דער בת-מלכה איז אינערלעך". די תורה באַצייכנט די אידישע פרוי אַלס "פּראַכטפולע" (
כבודה
) און "קעניגלעכע טאָכטער" (
בת מלך
), אָבער פאָדערט, אַז דאָס זאָל זיך אויסדריקן אין אַן אופן פון
פנימיות
, פון
צניעות
.
אָבער אפילו פון ריין-מענטשלעכן שטאַנדפּונקט, זעט מען דאָך, ספּעציעל אין די לעצטע יאָרן, צו וואָס דער צוזאַמענברוך פון צניעות קען דערפירן. די אומפאַרשעמטע "מאָדעס" אין פרויען קליידונג, געצילט אַרויסצורופן די נידעריקסטע
זיטן
פון דער נפש הבהמית, ברענגט צום אויסדרוק די געפאַלנקייט פון דער "מאָדערנער" וועלט אין באַצוג צו די עלעמענטאַרסטע יסודות פון מאָראַלישקייט. די הפקרות און פריצות ר"ל פון אַ גרויסער טייל פון דער היינטיגער יוגנט האָט געבראַכט צו דערשיטערנדיגע טראַגעדיעס אין פיל הייזער. עס איז זיכער, אַז ווען די זעלבע יוגנט וואָלט דערצויגען געוואָרן אויף די יסודות פון צניעות אין איינקלאַנג מיט אונזער תורה הק', וואָלטן פיל טראַגעדיעס אויסגעמיטן געוואָרן און פיל יונגע לעבנס ניט צעשטערט געוואָרן.
אין ליכט פון דאָס אויבנדערמאָנטע, האַלט איך אַז דער ענין פון צניעות דאַרף געשטעלט ווערן אַלס איינער פון די הויפּט פּונקטן אין סדר היום פון פאַראַנטוואָרטלעכע אידישע קרייזן.
ספּעציעל אַלס צענטראַלע קערפּערשאַפט פון אַלע אָפּטיילונגען פון נשי ובנות חב"ד אין פאַרשידענע טיילן פון דער וועלט, איז אייער דרינגנדע פליכט אין דעם מאָמענט אויפצונעמען אַן אינטענסיווע אַקציע אויפצושטורמען די אידישע עפנטלעכקייט, ספּעציעל אידישע פרויען אָרגאַניזאַציעס – וואָס זייער ספּעציפישער צוועק זאָל ניט זיין – אַז די פראַגע פון צניעות זאָל ווערן איינגעגלידערט אין זייערע פּראַקטישע טעטיקייטן.
מ'דאַרף וואַכזאַם מאַכן אידישע מאַמעס צו דער געפאַר פון פאַרנאַכלעסיגן צניעות אין דער דערציאונג פון זייערע טעכטער.
מ'דאַרף אויפמערקזאַם מאַכן די הנהלות פון מוסדות חינוך פאַר מיידלעך, אין
אַלע
עלטער, מער מקפיד צו זיין אויף דעם ענין פון צניעות אין די מוסדות חינוך, און אויפקלערן די תלמידות, אַז צניעות איז די שענסטע מידה, די קרוין פון דער אידישע טאָכטער און פרוי.
מ'דאַרף זיך באַמיען צו איבערצייגן די אַלע וועלכע פאַרשטייען און היטן אָפּ צניעות, אַז זיי האָבן אַ פאַראַנטוואָרטלעכקייט פאַר זייערע שוועסטער און מוזן באַווירקן זיי, סיי דורך וואָרט און ספּעציעל דורך מוסטערהאַפטער הנהגה, אַז זיי זאָלן פאַרשטאַרקן דעם ענין פון צניעות אין זייער היים און קרייז.
ס'איז שוין די העכסטע צייט, אַז אידישע פרויען און טעכטער זאָלן אַנערקענען זייער אידישן שטאָלץ און זייער אומאָפּהענגיקייט פון די פאַלשע, פאַרפירערישע און דורכאויס פּוסטע "מאָדעס" פון דער אַרומיגער סביבה, מאָדעס וועלכע האָבן קיין אינהאַלט ניט אויסער געלט-גייציקייט פון די וועלכע האָבן אַ פינאַנציעלן אינטערעס אין דעם.
און אין זכות פון פאַרשטאַרקן און פאַרשפּרייטן דעם ענין פון צניעות אין אַלע געביטן פון טאָג-טעגלעכן לעבן, זאָל דער אויבערשטער געבן, אַז עס זאָלן מקויים ווערן די ברכות וואָס תורה זאָגט צו פאַר אָפּהיטן צניעות בהידור, און מקויים ווערן אין דער פולסטער מאָס, ספּעציעל אין אמת'ע אידישע נחת פון קינדער און קינדסקינדער, מיט געזונד און פרנסה בשפע, אין פיל פרייד צוזאַמען מיט דעם מאַן, לאריכות ימים ושנים טובות.
בברכה להצלחה מופלגה ולבשורות טובות בכל האמור.
B"H, 7 Adar I, 5730.
Brooklyn, NY.
Shalom u'Vrachah!
To the World Headquarters of Nshei U'Bnos Chabad — may Hashem grant them life — blessings and peace!
On various occasions I have already pointed out the necessity to strengthen the matter of tznius. However, considering the general situation in this area, I find it necessary to come forth today with a most urgent appeal regarding this matter.
From the Torah's perspective, there is no need to elaborate on the importance of tznius. It is enough to note that our holy Torah — called Toras Chaim because it is the true guide in all areas of daily life and ensures a dignified and truly happy life — strongly emphasizes tznius. In certain respects it highlights this even more than other areas of daily conduct, so that tznius is one of the fundamental principles of Jewish life, as it says in the verse: VeHatznea Leches Im Elokecha ("And walk modestly with your G‑d").
Already from the reward promised in Torah, Gemara, and Zohar for guarding tznius — and from what our Sages of blessed memory recount about how Jewish women in various generations merited extraordinary Divine blessings in the merit of tznius (blessings not only for themselves but also for their husbands, children, and grandchildren) — it is easy to understand how great is the importance and significance of modest conduct.
On the other hand, the severity and warnings regarding the tragic consequences (G‑d forbid) of not observing tznius (as explicitly described in chapter 3 of Yeshayahu etc.) leave not even a shadow of doubt about how serious this matter is.
There are those who, due to their ignorance in Torah generally and specifically regarding tznius, think that the laws, ordinances, and customs associated with tznius restrict Jewish women or deprive them of their social rights or affect their dignity. This is entirely a mistaken perception. The truth is exactly the opposite: The holy Torah and our Sages repeatedly emphasize the honor and glory of Jewish daughters and women. Many ordinances were instituted specifically to protect their honor and dignity.
In this context, the well-known verse is often quoted: Kol Kevudah Bas Melech Penimah (Tehillim 45:14) — "All glory for a king's daughter is within." The Torah refers to Jewish women as glorious (Kevudah) and royal daughters (Bas Melech), but demands that this be expressed inwardly — through tznius.
But even from a purely human perspective we see especially in recent years what a breakdown in tznius can lead to. The shameless fashions in women's clothing aimed at arousing base instincts express the fallen state of modern society regarding basic moral foundations. The permissiveness and lack of restraint among much of today's youth has led to shocking tragedies in many homes.
It is certain that if this same youth had been raised on foundations of tznius according to our holy Torah, many tragedies would have been avoided and many young lives would not have been destroyed.
In light of all this mentioned above, I hold that tznius must be made one of the main points on the agenda for responsible Jewish circles. Especially as a central body uniting all branches of Nshei U'Bnos Chabad worldwide, your urgent duty at this moment is to undertake an intensive campaign to awaken public awareness among Jews — especially women's organizations (regardless of their specific purpose) — so that tznius becomes integrated into their practical activities.
Mothers must be made aware of the danger posed by neglecting tznius in raising their daughters. The administrations of girls' educational institutions at all ages must be alerted to be more careful about tznius within these schools and educate students that tznius is the most beautiful trait — truly "the crown" — for every Jewish daughter and woman.
We must strive to convince all those who understand and observe tznius that they bear responsibility for their sisters as well; they must influence others both through words and especially by exemplary conduct so that they too will strengthen tznius within their homes and circles.
The time has come for Jewish women and girls to recognize their unique pride as Jews and independence from false, seductive, utterly empty fashions promoted by those whose only interest is financial gain.
And in merit of strengthening and spreading tznius throughout all areas of daily life, may Hashem grant that all blessings promised by Torah for observing tznius beautifully will be fulfilled completely — especially true Jewish nachas from children and grandchildren with health and abundant livelihood; much joy together with one's husband; long days and good years.
Blessings for outstanding success and good news in all matters mentioned above.
Summary
The Rebbe urges prioritizing education about modesty (tznius) among Jewish women as a foundation for personal dignity, family blessing, moral strength, and communal well-being. He calls on leaders to make this value central across organizations for lasting positive impact on future generations.