ב"ה, כ"ה אייר, תשט"ו
ברוקלין.
שלום וברכה!
אין ענטפער אויפן בריף אין וועלכען דו שרייבסט וועגען בלבול המחשבות.
דו דארפסט ריידין וועגען דעם מיט דיין משפיע פון חסידות, און בשעת'ן דאוונען זאלסט דו דאוונען פון סידור און ניט אויף אויסוויניג, און אויך דאס רוב פון לערנען - א חוץ דאס וואס מען לערנט אויף אויסוויניג - זאלסט דו לערנען פון דעם ספר אדער קונטרס, און אז מען קוקט אריין אינווייניג זיינען די אותיות מאירות, און השי"ת זאל דיר העלפען צו לערנען בשקידה ובהתמדה, און מצליח זיין אין די מסיבות שבת וואס דו פירסט אן, און בכלל אין גוטער השפעה אויף דיינע חברים שיחיו.
בברכה,
בשם כ"ק אדמו"ר שליט"א
מזכיר