ב"ה, י"א כסלו, תשט"ו
ברוקלין.
שלום וברכה!
... אין ענטפער אויף דיין שאלה, וועגען פארען לערנען אין דער ישיבה תומכי תמימים בארצות הברית. איז דאס ניט פארשטענדליך, וויבאלד השם יתברך האט דיך מזכה געווען און מצליח געווען און האט געמאכט דיך פאר א שליח צו אריין בריינגען חסידות צווישען די תלמידי הישיבה אין מאנשעסטער, וואס דורך דעם איז מען מקיים דעם רצון פון נשיאנו הק' אז יפוצו מעינותיך חוצה, איז וואס דארפמען און וואס איז דא נאך א בעסערע עבודה וואס מ'זאל וועלען אוועקפארען פון איר, און דעריבער דארפסט דו שטארקען זיך אין דער עבודה און טאן זי בשמחה ובטוב לבב, וואס דענסטמאל איז דאס בהצלחה אמיתית. און עס איז ידוע די הבטחה פון רבנו הזקן שעל ידי זה נעשים מוחו ולבו זכים אלף פעמים ככה, והשי"ת יצליחך.
מצו"פ חוברת י"ט כסלו והקונטרס לי"ט כסלו הבע"ל.
בברכה.