ב"ה, כ"ט מ"ח[1], תשט"ו
ברוקלין.
ברכה ושלום!
אין ענטפער אויף אייער ספעשל דעליווערי בריף, אין וועלכען איר שרייבט אז איר געפינט זיך שוין עטליכע יאר אין... און זעהט ניט קיין האפענונג אויף א גוטע צוקונפט ווי עס באדארף זיין, ווארום די יוגענט זיינען ווייניג שייך צו דער חרדים געמיינדע, און די עלטערע ווערען מערער שוואכער וכו'.
איז אייגענטליך דאס איז א פראגע וועלכע איר האט געדארפט פרעגען בא די וועלכע זיינען אין אייער שטאט און ניט פרעגען דאס אין נויארק. ווארום וויסענדיק די חזקה לתעמולה שאינה חוזרת ריקם, איז ווי איז דאס אז נאך פינף יאהר ארבעט אין שטאט, איז די לאגע אזוי ווי איר באשרייבט אין אייער בריף. און איך רעכין אז איינע פון די אורזאכען אין דעם איז, וואס ליידער האט איר געקוקט אויף... ווי אויף א צייטווייליגער שטעלע (דזשאב), און יעדער מאל דערוארט מען זיך קוים אויפן זומער צו קענען טראכטען און זוכען א אנדער שטאט. און דאס ליגט שוין אין דער מענשליכער נאטור, אז א זאך וועלכע מען האלט אז דאס איז נאר אויף עטליכע חדשים, רופט דאס ניט ארויס א אינטערעס און כחות אנווענדונג, ווארום מען טראכט אז אט פארט מען אוועק פון דאנען.
עס איז באוואוסט דער ווארט פון מיין שווער כ"ק אדמו"ר זצוקללה"ה נבג"מ זי"ע, אז מאן דארף זיך לערנען פון דעם משכן, אז ווען מען איז געווען אין מדבר, זיינען געווען ערטער, וואו מען איז געשטאנען נאר א טאג אדער א נאכט, פונדעסטוועגען האט מען אויפגעשטעלט דעם משכן מיט אלע איינצעלהייטען פונקט ווי מען האט דאס געטאן אויף דעם ארט וואו מען איז געשטאנען 18 יאהר. וואס דאס איז א מוסר השכל פאר יעדער אידן, צו אויפפירען זיך אין זיינע פעולות לעבודת השי"ת און ערפילען זיין שליחות פון השי"ת בעלמא דין, אז מען דארף ניט קוקען אויפן קאלענדאר און אויפן זייגער, און חשבונ'ן, אז אויב דאס איז אויף 18 יאהר, לייענט זיך און אויב נאר אויף א טאג אדער א נאכט, איז מהיכי תיתי, ווארום אזוי ווי הקב"ה איז א נצחי, אזוי אויך זיינען די אלע פעולות פון א אידען וועלכע זיינען פארבונדן מיט הקב"ה אויך נצחיים. אפילו ווען אין א פאר מינוט ארום איז דער איד שוין פארנומען אין א אנדער זאך, אבער די פעולות פארבלייבען לנצח לעולם ועד, ווי עס ווערט ערקלערט אין תניא פרק כ"ה.
בהנוגע לפועל, אויף וויפיל איך ווייס, האט אייער מאן הרב שי' געזוכט גאנץ עניערגיש אנדערע שטעלס, סיי דעם לעצטן יאר און אויך אין די פריערדיקע יאהרען. און דאס וואס עס האט זיך ניט געמאכט קיין פאסענדע זאך, דארף דאס דינען אלס ראי' (באווייז) אז איר ביידע דארפט נאך אויפטאן אין... אין דער שליחות פון דעם בורא ברוך הוא, און הקב"ה, אז ער גיט א שליחות גיט ער אויך די מעגליכקייט אז דער באטרעפענדער זאל קענען אויספילען די שליחות, ואין אתנו יודע עד מה. אבער עס לייגט זיך אויפן שכל, אז וואס אלץ מער איר וועט זיך משתדל זיין צו ערפילען די שליחות כדבעי (וואס די שליחות פון יעדער אידען, און בפרט א רב ורבנית שיחיו באשטייט אין הפצת תורה ויהדות) אלץ פריער וועט איר קענען אריבער אין א ארט וואס האט מער מעלות ווי... און השי"ת זאל מצליח זיין אז איר זאלט דאס טאן מתוך שמחה, לויט דער הוראה פון בעל שם טוב פאר אלע אידען און אין אלע ענינים, עבדו את ה' בשמחה.
בברכה.
הערות המו"ל
אויפגעשטעלט דעם משכן: ראה גם לקמן אגרת ג'שיד.
- 1 מ"ח – מרחשון.
B"H, 29 MarCheshvan, 5715.
Brooklyn.
Blessing and greeting!
In reply to your special delivery letter, in which you write that you have been in... for some years now and see no hope of a good future as it should be, because the youth have little connection with the observant community, and the older people grow weaker, etc.
This is actually a question you should have asked of those in your town, and not asked in New York. For knowing the established rule that outreach does not return empty, how is it that after five years of work in the town the situation is as you describe in your letter? I reckon that one of the causes of this is that unfortunately you looked at... as a temporary post (job), and each time you barely wait for the summer to be able to think about and seek another town. It lies in human nature that something one considers to be for only a few months does not call forth interest and the use of one's powers, for one thinks, "Soon we are leaving here."
The saying of my father-in-law, the Rebbe, of blessed memory, is known: one must learn from the Mishkan. When they were in the desert there were places where they stayed only a day or a night, and even so they set up the Mishkan with all its details just as they did in the place where they stayed 18 years. This is a moral for every Jew in conducting himself in his activities for the service of G‑d and in fulfilling his mission from G‑d in this world: one must not look at the calendar and the clock and make reckonings that if it is for 18 years, very well, and if only for a day or a night, why bother. For just as the Holy One, blessed be He, is eternal, so all of a Jew's activities bound up with the Holy One, blessed be He, are also eternal. Even if within a few minutes the Jew is already occupied with something else, the activities remain forever and ever, as explained in Tanya, ch. 25.
As regards practice: as far as I know, your husband, the rav, may he live, has quite energetically sought other positions, both this past year and in earlier years. The fact that nothing suitable has come about must serve as proof that both of you must still accomplish in... in the mission of the Creator, blessed be He. And when the Holy One, blessed be He, gives a mission, He also gives the means for the person concerned to fulfill the mission, and "none among us knows how long." But it stands to reason that the more you try to fulfill the mission properly (the mission of every Jew, and especially of a rav and rebbetzin, may they live, consisting of spreading Torah and Judaism), the sooner you will be able to move to a place with more advantages than... May G‑d grant you success in doing this with joy, in keeping with the directive of the Baal Shem Tov for all Jews and in all matters, "עבדו את ה' בשמחה" ("Serve G‑d with joy").
With blessing.
Publisher's notes
Set up the Mishkan (אויפגעשטעלט דעם משכן): See also below, letter 3314.