ב"ה, כ"ב מ"ח[1], תשט"ו
ברוקלין.
אגודת נשי ובנות חב"ד סניף מאנטרעאל ה' עליהן תחיינה
ברכה ושלום!
איך האב באקומען אייער בריף און בין געווען צופרידען צו לייענען אין עם וועגען די פערשידענע שמועסין און באשפרעכונגען וועלכע זיינען געווען אין דער צייט פון די אסיפות. און עס וואלט געווען א גוטע זאך, אויב עס זיינען נאר פראן די פאסענדע מענשן, אז בא יעדער אסיפה זאל מען אויך ריידין וועגען די אינהאלט פון דער סדרה פון דער וואך אין וועלכער עס קומט פאר די אסיפה און אויך פון די סדרות פון זינט דער פריערדיקער אסיפה, אדער פון די הפטרות. און מען קען געפינען מאטעריעל, אין דעם, אויך אין די Talks ו"שמועסן" פון די פריערדיקע יאהרען. אויך וואלט מען געדארפט משתדל זיין זיך צו אויסברייטערען דעם קרייז פון באטייליגטע אין די אסיפות.
און געוויס אזוי ווי מיר גייען איצטער צום חדש כסלו אין וועלכען עס זיינען די יום טוב טעג פון יו"ד און י"ט כסלו און אויך חנוכה, וועט אויף די אסיפות פון אגודת נשי ובנות חב"ד געוויס גערעט ווערען אין די ענינים פון די באטרעפענדע טעג. און השי"ת זאל געבען עס זאל זיין מיט הצלחה אין דאס אלעס אויבען געזאגטע וואס דאס וועט בריינגען הצלחה צו יעדער איינע פון די איינטיילנעמער, אין זייערע ענינים הפרטים.
בברכה.
נ.ב.
אין ענטפער אויף אייער פראגע. אזוי ווי עס איז א גרויסער אונטערשייד אין עלטער צווישען די חברות פון נשי ובנות חב"ד, איז זעלבסט פארשטענדליך אויך דא א אונטערשייד אין די פראבלעמען וואס אינטערעסירט זיי און די פערשידענע פראגען, פרעגט איר מיין מיינונג אין וואס פאר א אופן צו באווארענען דאס.
לויט מיין מיינונג. זיינען דאך פראן אזעלכע פראגען און ענינים אלגעמיינע וועלכע זיינען נוגע אלעמען פון די חברות, און עס זיינען פראן אויך שאלות און ענינים וועלכע זיינען פארבונדען נאר מיט א געוויסען עלטער. וואלט מען באדארפט אין איינקלאנג מיט דעם, איינארדנען אלגעמיינע אסיפות פון אלע חבירות, וואו עס זאלען באהאנדעלט ווערען די אלגעמיינע פראבלעמען, און דארטען זאל אויך בא דער אסיפה געלערענט ווערען פון דער סדרה פון דער וואך, אדער אזעלכע דינים וועלכע זיינען נוגע אלעמען צו וויסען זיי, און אויסער דעם מאכען אסיפות פון פערשידענע גרופעס פון די נשי ובנות חב"ד, אויף וועלכע עס זאלען באהאנדעלט ווערען נאר די פראבלעמען וועלכע זיינען פארבונדען מיט דער עלטער פון דער גרופע. זעלבסט פארשטענדליך אז אויב אויך אויף דער אסיפה וועט בייזיין איינע פון די עלטערע, איז אויך אן אחריות איר אנוועזענהייט. אבער עס מוזען זיין אלגעמיינע אסיפות און אפטער פון אלע פרויען צוזאמען.
און איך האף אז אויך די וועלכע זיינען ביז איצטער ניט געקומען צו די אסיפות פון נשי ובנות חב"ד, איז נאך דעם ווי זיי וועלין זיך איבערצייגען זייענדיג אויף די ספעציעלע גרופען אסיפות, וועלען זיי אויך אנהויבען צו קומען אפילו צו די אלגעמיינע אסיפות און האפענטליך וועט דאס אלץ זיין בדרכי נועם ובדרכי שלום, וואס דאס וועט אויך בריינגען הצלחה אין דער ארבעט.
- 1 מ"ח – מרחשון.
B"H, 22 MarCheshvan, 5715.
Brooklyn.
Agudas Nshei U'Bnos Chabad, Montreal branch, may G‑d be upon them and may they live
Blessing and greeting!
I have received your letter and was pleased to read in it of the various talks and discussions held at the time of the meetings. It would be a good thing, provided the suitable people are available, that at each meeting there should also be talk of the content of the Torah reading of the week of the meeting, and also of the readings since the previous meeting, or of the Haftoros. Material for this can be found also in the Talks and in "Shmuessen" of the earlier years. An effort should also be made to widen the circle of participants in the meetings.
And surely, as we now approach the month of Kislev, with the festive days of 10 and 19 Kislev and also Chanukah, the matters of these days will surely be spoken of at the meetings of Agudas Nshei U'Bnos Chabad. May G‑d grant that this be with success in all the above, which will also bring success to each of the participants in her own affairs.
With blessing.
P.S.
In reply to your question: since there is a great difference in age among the members of Nshei U'Bnos Chabad, there is of course also a difference in the problems that interest them and in the various questions, and you ask my opinion how to provide for this.
In my opinion, there are questions and matters that are general and concern all the members, and there are also questions and matters connected only with a certain age. In keeping with this, one should arrange general meetings of all the members, at which the general problems will be dealt with, and at such a meeting the Torah reading of the week should also be studied, or such laws as all need to know; and in addition make meetings of various groups of Nshei U'Bnos Chabad, at which only the problems connected with the age of the group will be dealt with. Of course, if one of the older women is also present at such a meeting, her presence is also fine. But there must be general meetings, and more often, of all the women together.
I hope that those too who until now have not come to the meetings of Nshei U'Bnos Chabad, after they are convinced by being at the special group meetings, will also begin to come even to the general meetings. I hope all this will be in ways of pleasantness and ways of peace, which will also bring success in the work.