מְבָרְכִים בִּרְכַת הַקֶשֶׁת, וְלֹא כְּיֶשׁ מְפַקְפְּקִים בָּזֶה.
אֵיינֶער פוּן דִי מֶעזִיבּוּזשֶער בַּעֲלֵי בַּתִּים הָאט גֶעהַאט אַ מַחְלֹוקֶת מִיט נָאך אַ בַּעֲל הַבַּיִת, אוּן זַיֶיענְדִיג אַמָאל בַּא דֶעם בַּעֲשֵ"טֹ אִין שׁוּהל הָאט עֶר גֶעשְרִיעֶן, אַז עֶר וָואלְט זַיין בַּר פְּלוּגְתָּא קֹוֵרעַ גֶעוֶוען כְּדָג זַיין.
דֶער בַּעֲשֵׁ"טֹ הָאט גֶעהֵייסֶען דִי תַּלְמִידִים גֶעבֶּען אֵיינֶע דִי אַנְדֶערֶע דִי הֶענְט, אוּן זִיך שְטֶעלֶען לֶעבֶּען אִים מִיט צוּגֶעמַאכְטֶע אוֹיגֶען.
דֶער בַּעֲשֵׁ"טֹ הָאט אַרֹויפְגֶעלֵייגְט זַיינֶע הֵיילִיגֶע הֶענְט אֹויף דִי אַקְסְלֶען פוּן דִי צְוֵויי תַּלְמִידִים, וֶועלְכֶע זַיינֶען גֶעשְׁטַאנֶען לֶעבֶּען אִים, פְּלוּצְלוּנְג הָאבֶּען דִי תַּלְמִידִים אָנְגֶעהֹויבֶּען שְׁרַייֶען פוּן גְרֹויס שְׁרֶעק: זֵיי הָאבֶּען גֶעזֶעהְן וִוי דֶער בַּעֲל הַבַּיִת אִיז קֹורֵעַ כְּדָג זַיין בַּר פְּלוּגְתָּא.
דָאס בַּאוַוייזְט קְלָאהְר, אַז פוּן יֶעדֶער כֹּחַ אִיז פַארַאן אַ פֹּועֶל דָבָר: אָדֶער אִין אַ לְבוּשׁ חוּמְרִי, אָדֶער אַ רוּחְנִי וָואס מִי קָאן אִים אָנֶעמֶען נָאר מִיט הֶעכֶערֶע אוּן אֵיידֶעלֶערֶע גֶעפִילֶען.