ב"ה, ראש חודש סיון, ה'תשל"ב
ברוקלין, נ.י.
פאַמיליע גליקאס שי'
שלום וברכה!
פון צייט צו צייט פרעג איך זיך נאָך און באַקום גרוסן וועגן אייך פון ר' ישראל ארי' לייב שי' זאַיאַנץ, און לעצטענס האָב איך פון אים געהערט, אַז די שטימונג איז באַ אייך ניט ווי עס באַדאַרף צו זיין.
האָט עס מיר געוואונדערט, בפרט דערמאָנענדיג זיך אויף אייך און וויסנדיג אייער בטחון אין דעם אויבערשטן, וואָרום אַז אַ איד פאַרלאָזט זיך אויף דעם אויבערשטן, איז דאָך ניטאָ קיין אָרט פאַר דאגות אד"ג. און כאָטש די הייליגע תורה זאָגט, אַז אַ איד דאַרף טאָן דאָס וואָס איז אָפּהענגיג פון אים דורך נאַטירלעכע מיטלען, זאָגט אָבער די זעלבע הייליגע תורה אַז דאָס מוז גיין צוזאַמען מיט אַ שטאַרקן בטחון אין דעם אויבערשטן, וואָס ער איז דער בעל-הבית פון דער וועלט און פּאַסט אויף אויף יעדן איינעם און איינע. מערניט וואָס דער אויבערשטער אַליין וויל, אַז מ'זאָל טאָן וואָס מ'דאַרף געוויינלעך טאָן. במילא, ווען עס האַנדלט זיך וועגן געזונד – דאַרף מען באַזוכן אַ דאָקטאָר און אויספילן זיינע אָנווייזונגען; און בנוגע פרנסה – דאַרף מען זוכן וועגן צו פאַרבעסערן די געשעפטן; און אויב עס זיינען פאַראַן פּראָבלעמען וועגן קינדער – דאַרף מען זיך באַראַטן מיט פריינד און גוטע פריינד, אא"וו. אָבער צוזאַמען דערמיט דאַרף מען וויסן און זיין גאַנץ געזיכערט, אַז די ברכה און הצלחה קומט פון אויבערשטן,
מידו
המלאה הפתוחה הקדושה והרחבה ("פון זיין פולע, אָפענע, הייליגע און ברייטע האַנד").
פאַרשטייט זיך, אַז אַ מענטש קען ניט וויסן דער אויבערשטנ'ס "קאַלענדאַר", ווען די ברכה וועט קומען, אָבער וואָס שטאַרקער דער בטחון, אַלץ פריער קומט די ברכה. בפרט אין אייער פאַל, וואָס איר האָט פאַרגרעסערט די "כלים" צו באַקומען דעם אויבערשטנ'ס ברכות דורך פאַרשטאַרקען די אָפּהיטונג פון תורה און מצוות אין טאָג-טעגלעכן לעבן, כשרות, תפילין, שמירת שבת און יום-טוב אא"וו. דערצו האָט איר נאָך דעם זכות וואָס דורך אייער ביישפּיל האָט איר געווירקט און געבראַכט נאָך אידן צו פירן זיך ווי דער אויבערשטער וויל און האָט דערנעענטערט אידישע משפחות צו אידישקייט, וואָס דאָס איז גאָר אַ גרויסער זכות.
דעריבער האָף איך, אַז איך וועל באַקומען פון אייך אַ פריילעכע ידיעה, אַז ניט נאָר איז אייער בטחון אין דעם אויבערשטן ניט אָפּגעשוואַכט געוואָרן חס ושלום, נאָר אדרבה איז נאָך שטאַרקער געוואָרן און אין דעם גייסט ערפילט איר די אָנווייזונגען פון דעם דאָקטאָר, און אַזוי אויך אין די אַנדערע ענינים אויף אַ נאַטורעלן וועג, און דאַן האָף איך און בין מתפלל און בין זיכער אַז איר וועט זען דעם אויבערשטנ'ס ברכות אָפענערהייט.
גראַדע איצט געפינען מיר זיך אין די ספּעציעל מזל'דיגע טעג, ווען אידן גייען פונדאָסניי מקבל זיין די תורה און מצוות אין דעם יום-טוב שבועות, זמן מתן תורתנו, וואָס צוזאַמען מיט תורה און מצוות באַקומען אידן די ג-טלעכע ברכות אין אַלץ וואָס מ'נויטיגט זיך, מאַטעריעל און גייסטיג.
מיט וואונש צו געזונד, און שטאַרקען בטחון, פרנסה און נחת פון אַלע קינדער שיחיו.
B"H, Rosh Chodesh Sivan, 5732.
Brooklyn, NY.
Shalom u'Vrachah!
From time to time I inquire and receive regards about you from R' Yisroel Aryeh Leib Zayants, and recently I heard from him that your mood is not as it should be. This surprised me, especially recalling you and knowing your bitachon in the One Above. For when a Jew relies on the One Above, there is truly no place for worries at all.
And although the holy Torah says that a Jew must do what depends on him through natural means, the same holy Torah says this must go together with strong bitachon in the One Above, Who is the Master of the world and watches over every single person. After all, the One Above Himself wants us to do what we are usually supposed to do. Therefore, when it comes to health—one must visit a doctor and follow his instructions; regarding livelihood—one should seek ways to improve business; and if there are problems concerning children—one should consult with friends and good friends, etc. But together with this one must know and be completely certain that blessing and success come from the One Above—from His full, open, holy, and wide hand.
Of course, a person cannot know the calendar of the One Above—when the blessing will come—but the stronger one's bitachon, the sooner the blessing arrives. Especially in your case: you have expanded your vessels to receive Hashem's blessings by strengthening observance of Torah and mitzvos in daily life—kashrus, tefillin, Shabbos observance and Yom Tov etc. In addition you have the merit that through your example you have influenced other Jews to conduct themselves as Hashem desires and have brought Jewish families closer to Judaism—which is a very great merit.
Therefore I hope to receive from you joyful news—not only has your bitachon in Hashem not weakened G‑d forbid but on the contrary it has become even stronger; and in this spirit you fulfill the doctor's instructions as well as other matters in a natural way. Then I hope—and pray—and am certain that you will see Hashem's blessings openly.
Just now we find ourselves in these especially auspicious days when Jews are once again receiving the Torah and mitzvos on Shavuos—Zman Matan Toraseinu—and together with Torah and mitzvos Jews receive G‑dly blessings in everything needed both materially and spiritually.
With wishes for health, strengthened bitachon, livelihood, and nachas from all your children sheyichyu.
Summary
The Rebbe teaches that unwavering trust in Hashem brings blessings sooner. Even while acting naturally—seeking medical advice or improving livelihood—one must remember true success comes from above. Strengthened faith leads to revealed good in all areas of life.