ה מנחם אב

סוּר מֵרַע וְעַשֵׂה טֹוב בַּקֵשׁ שָׁלוֹם וְרָדְפֵהוּ, [תהלים פרק לד, טו] הָאט דֶער בַּעֲשֵ"טֹ גֶעזָאגְט: אִין יֶעדֶער דָבָר גַשְׂמִי פוּן דְבָרִים הַמוּתָּרִים זַיינֶען פַארַאן טֹוב וָרַע: דֶער גַשְׁמִי אִיז רַע אוּן דֶער חַיוּת אֶלֹקִי וָואס אִיז מְחַיֶ' דֶעם גַשְׁמִי אִיז טֹוב.

בַּאדַארְף דֶער מֶענְשׁ וָואס בַּאנוּצְט דֶעם גַשְׁמִי זַיין אַ סוּר מֵרָע, נִיט וֶועלֶען דֶעם תַּעֲנוּג וָואס אִיז פַארַאן אִין דֶעם גַשְׁמִי, אוּן זַיין וְעַשֵׂה טֹוב וֶועלֶען גֶעשְׁפַּייזְט אוּן גֶעהָאלְפֶען וֶוערֶען פוּן דֶעם חַיוּת אֶלֹקִי וָואס אִיז אִין דֶעם דָבָר הַגַשְׂמִי.

בַּקֵשׁ שָׁלֹום וְרָדְפֵהוּ דֶער מֶענְשׁ וָואס אִיז אַ סוּר מֵרַע אוּן אַ וְעַשֵׂה טֹוב, בַּאדַארְף זוּכֶען אוּן נָאכְלֹויפֶען צוּ מַאכֶען שָׁלֹום צוּוִישֶען דֶעם גַשְׁמִי אוּן חַיוּת אֶלֹקִי וָואס אִיז אִיהְם מְחַיֶ'.