דברים פרק לא
א וַיֵּ֖לֶךְ מֹשֶׁ֑ה וַיְדַבֵּ֛ר אֶת־הַדְּבָרִ֥ים הָאֵ֖לֶּה אֶל־כָּל־יִשְׂרָאֵֽל׃
(א) וילך משה וגו'
ב וַיֹּ֣אמֶר אֲלֵהֶ֗ם בֶּן־מֵאָה֩ וְעֶשְׂרִ֨ים שָׁנָ֤ה אָֽנֹכִי֙ הַיּ֔וֹם לֹֽא־אוּכַ֥ל ע֖וֹד לָצֵ֣את וְלָב֑וֹא וַֽיהוָה֙ אָמַ֣ר אֵלַ֔י לֹ֥א תַֽעֲבֹ֖ר אֶת־הַיַּרְדֵּ֥ן הַזֶּֽה׃
(ב) אנכי היום - היום מלאו ימי, ושנותי. ביום זה נולדתי, וביום זה אמות:
לא אוכל עוד לצאת ולבא - יכול שתשש כחו? תלמוד לומר, (דברים לד, ז) "לא כהתה עינו ולא נס לחה". אלא מהו "לא אוכל"? איני רשאי. שנטלה ממני הרשות ונתנה ליהושע. דבר אחר: לצאת ולבא - בדברי תורה. מלמד, שנסתמו ממנו מסורות, ומעיינות החכמה:
וה' אמר אלי - זהו פירוש, "לא אוכל עוד לצאת ולבא". לפי ש"ה' אמר אלי":
ג יְהוָ֨ה אֱלֹהֶ֜יךָ ה֣וּא ׀ עֹבֵ֣ר לְפָנֶ֗יךָ הֽוּא־יַשְׁמִ֞יד אֶת־הַגּוֹיִ֥ם הָאֵ֛לֶּה מִלְּפָנֶ֖יךָ וִֽירִשְׁתָּ֑ם יְהוֹשֻׁ֗עַ ה֚וּא עֹבֵ֣ר לְפָנֶ֔יךָ כַּֽאֲשֶׁ֖ר דִּבֶּ֥ר יְהוָֽה׃