ב"ה, א' סיון, תשי"ד
ברוקלין.
שלום וברכה!
... איך בין געווען צופרידען צו לייענען אין אייער בריף אז איר לערנט א שיעור תניא יעדער טאג, און עס איז באוואוסט דער ווארט פון די נשיאי חב"ד וועגען דעם תניא, אז אפילו דער גדול שבגדולים קען זיך ניט דערגרונטעווען צו די גאנצע טיפקייט פון תניא, און דאגעגען קען יעדער איד עפעס נעמען פון תניא, ווארום די כוונה פון בעל התניא איז געווען אז דאס זאל זיין א ספר פאר אלע אידען צו לערנען, וצדיק גוזר והקב"ה מקיים, און עס איז דא[ך] ידוע אז יגעת ומצאת, אז וואס מער מען איז זיך מייגע אין דעם אלץ מער נעמט מען אויף און מען פארשטייט די ענינים וועלכע ווערען דארט אין תניא גערעט.
בברכה לקבלת התורה בשמחה ובפנימיות מתוך בריאות הנכונה.