Enjoying this page?

Tamuz 7 - ז תמוז

 

ז תמוז

אַאַמוּ"ר אָמַר: חַסִידוּת אִיז נָעוּץ תְּחִלָתָן בְּסוֹפָן וְסוֹפָן בְּתְּחִילָתָן, דִי דַרְגָא פוּן עִיגוּלִים מְבְּלִי אַשֶׁר יִמְצָא רֹאשׁ וְסוֹף, אָבֶּער אַחַר כָּל זֶה אִיז דֶער עִיקֶר אִיז סֵדֶר.

דֶער בַּעַשֵ"טֹ אִיז גֶעוֶוען אַ מְסוּדָר, דֶער מֶעזרִיטשֶער הָאט מְדַקְדֵק גֶעוֶוען אוֹיף סֵדֶר, אוּן דֶער עֶלְטֶער זֵיידֶע - רַבֵּינוּ הַזָקֵן - הָאט גֶעלֶערֶענְט חַסִידִים זֵיי זָאלֶען זַיין מְסוּדָרִים, דָאס זֶעהט מֶען אִין זַיינֶע מַאמָרִים, בְּרִיף, נִיגוּנִים.

דִי חַסִידִים וָואס הָאבֶּען גֶעהַאט אַ זְמַן קָבוּעַ אוֹיף קוּמֶען אִין לִיאָזְנָא - דֶערְנָאך אִין לִיאַדִי - הָאבֶּען נִיט גֶעהַאט קֵיין רְשוּת בַּייטֶען דֶעם זְמַן אָן אַ רְשָיוֹן פוּן רֶבִּי'ן, אוֹיף בַּאקוּמֶען אַ רִשָׁיוֹן הָאט מֶען גֶעדַארְפְט הָאבֶּען אַ טַעַם.

בַּאם רֶבִּי'ן אִיז גֶעוֶוען אַ וַעַד מְיוּחָד אוֹיף פִיהְרֶען סֵדֶר הַחַסִידִים וּבְּרֹאשֹׁו מַהַרִי"ל אַחִי רַבֵּינוּ, אוּן אַ בַּאזוּנְדֶער וַעַד אוֹיף אָנְפִירֶען מִיט חַסִידִישֶע יוּנְגֶעלַייט וּבְּרֹאשֹׁו אַדְמוּ"ר הָאֶמְצָעִי.